film ar vanifestadeg

Disadorn 17 a viz Meurzh, betek 20 000 den a oa deuet da Vesièrs (Okitania) evit huchal holl asambles “Anèm ! òc ! per la lengua Occitana !” (bec’h dezhi ! ya ! evit an okitaneg !) Deuet e oa ar vanifesterien eus 4 c’horn Okitania evit difenn o yezh: Auvèrnhe, Bearn, Comtat de Niça , Gasconha, Lengadòc , Lemosin, Provença…mez ivez deus ar Val d’Aran (Katalounia an okitaneg a zo ur yezh ofisiel eno) ha deus ar Valadas Occitanas en Italia (an okitaneg a vez komzet eno).

20 000 den a dalv div wech muioc’h e keñver manifestadeg Carcasona e 2005. Dindan heol Okitania a oa bodet tud eus pep oad, babigoù, bugale, krennarded, tud deuet, retretidi eus pep lec’h evit diskouez pegen bev e oa an okitaneg hag evit diskouez d’an holl o youl da welout, da implij ha da glevout o yezh e pep lec’h.

Fellout a ra d’an aozerien gwelout o yezh o tiorren war bep dachenn ar gevredigezh: er mediaoù, en deskadurezh, er vuhez foran. Evit-se e tle Stad c’hall kregiñ gant reizhañ he lezenn, cheñch mennad 2 ar vonreizh ha peurwiriekaat karta Europa evit ar yezhoù rannvro ha bihanniver.

Ur gwir berzh e oa manifestadeg Bèsiers ha bremañ e vo ret labourat evit ma vefe manifestadeg an Oriant evit ar brezhoneg ar memes berzh. Ouzhpenn bezañ ur vanifestadeg e oa un devezh plijus tre!